VELKOMMEN TIL LØNO
Smalahovetunet Voss er ein familiebedrift som produserar smalahove og pinnakjøt for sal heile året.
Her kan de få servert smalahove, pinnakjøt, rjomegraut, spekemat, flatbrød og alt som høyrer til, etter avtale.
Måltida vert servert i eit av lokala våre. De vert tekne med til smalahovefabrikken der de får sjå korleis den daglege produksjonen pågår.
Allereie som 2 åring var Ivar med bestefaren, som også heiter Ivar, og svei smalahove dagen etter slakting heime på garden.
Då brukte dei ei smie med belg når dei svei, der var det høg varme.
Ein stod å ‘’bles belgen’’ og ein svei, bestefar Ivar måtte halde eit overblikk slik at smalahove vart snudd, og att all ulla vart svidd vekk.
Då smalahove var ferdig svidde vart dei vaska, kløyvde og lagt i vatn samme dag.
Dagen etter vart dei lagd i salt og vart liggande i salt i 4-5 dagar.
Deretter vart dei røykte i eldhuset.
Smalahove vart så hengde på kjøttbua ilag med all annar mat.
Smalahove var middagsmat jamt og trutt gjennom heile hausten,men ‘’skoltasundag’’ (siste søndag før jul) skulle siste smalahove etast opp. Då var nemleg jol i vente og då var ikkje smalahove ‘’god nok’’ mat.
For når Ivar var liten var ikkje smalahove festmat, men heilt vanleg kvardagsmat.
Smalahove som vart svidde då Ivar var liten var berre til privat bruk.
Fyrst tidleg på 60- tallet byrja Ivar å selja smalahove. Fyrste åra svei dei smalahove på ‘’gamle’’ måten, over eld frå ved.
Då produserte Ivar berre nokon få 100 pr år, dette gjekk for seint og dei gjekk seinare over til propan.
I 1997 vart Ivar L. Løne tildelt Den Nasjonale Bygdeutviklingsprisen for nyskaping. Denne vart han tildelt for sitt engarsjement for foredling av smalahove og serveringsverksemd der kulturoppleving, smalahove og vossaøl er berande element.
Tlf 56516965 eller email:
smalhov@online.no